Probabilmentri al è dut scomençât ai timps dal Conservatori, cuant che o fasevi fature a viodimi cuindicesim flaut di une orchestre o pûr a cjantâ aiars di opare, chei che si clamin studis classics... sigûr.
Ma chel che mi incjantave al jere altri. Forsit al è par chest che cumó, daspó tancj agns, mi cjati a riduçâ pensant a cetant che, nô musiciscj di musiche pop-rock, o rivìn a cjatâ inmagante e simpri grande e prestigjose la sfide di vistî lis nestris cjançons cun rangjaments orchestrâi. Par cheste reson o ai rispuindût in maniere positive a la propueste di cjantâ cualchidun dai miei tocs, compagnade di une orchestre, te rassegne Canzoni di Confine. Po dopo o sin lâts ancjemó plui lontan, e je nassude la voie di regjistrâ un album intîr in cheste suaze, par meti il gno "solit" mont musicâl dongje dal len, dai tascj e de anime di une orchestre taliane.
O vin cussì decodificât il lengaç dal rock intun lengaç orchestrâl; "codificât" i tescj slovens par furlan (une lenghe par me gnove dal dut, ma cetant siore e melodiche), par talian - lenghe che o cognòs - si pues dî - di simpri - e par inglês, che si incrose dispès cu la mê musiche. Aes "cifris" dai suns de musiche classiche o vin metût dongje materiâl dai miei ultins doi albums, e intune gnove cjançon o vin "metût adun une conession" jenfri violins talians e la mê bande. Par finî o vin regjistrât, disegnât e metût adun il dut intune sorte di "Connection Slovene-Furlane".
Sì che duncje chest album al podarès jessi nuie mancul di plui di chê strambe machine inventade tal secul passât dai todescs par platâ e decodificâ i messaçs segrets. Le vevin clamade Enigma e le dopravin par resons di vuere. Jo le ai idealmentri cjapade in prestit par une viste dal sigûr diferente: capîsi par mieç de musiche di dutis e dôs lis bandis di chel confin che al passe pôc lontan di cjase mê, e su ducj i versants dai mûrs di division tra i gjenars musicâi.
Ve chi, se chest al è il gno enigma, alore la soluzion mi plâs une vore.
Tinkara, "Yazarlarin Evi" (la “Cjase dai Scritôrs”) Istanbul, tal mês di Mai dal 2004.

Ulteriori informazioni sul sito ufficiale di Tinkara: www.tinkara.net

Vi rimandiamo inoltre ad un sito amico, quello di Loredana Trevisani e Tiziano Dal Farra:
www.wineathomeit.com

Italiano | Friulano | BEÂT LÈS | Cjantant Endrigo | Tinkara

© Numar UN 2002
Tutto il materiale presente su questo sito è di proprietà dell'associazione Numar UN
numar1@virgilio.it